D'fhógair an tAire Talmhaíochta, Bia agus Mara, Barry Cowen T.D., inniu infheistíocht nua €3.4 milliún i 15 fhiontar dobharshaothraithe, le Clár Oibríochta an Chiste Eorpach Muirí agus Iascaigh na Roinne faoina gcuirtear deontais €1,282,277 ar fáil.

 

Dúirt an tAire Cowen, "Tá áthas orm €3.4 milliún d'infheistíocht a cheadú in 15 fhiontar dobharshaothraithe le €1.3 milliún i dtacaíocht ó Chlár EMFF mo Roinne.  Tá na hinfheistíochtaí is déanaí seo dírithe ar bhorradh a chur faoi tháirgeacht ag láithreáin oisrí, diúilicíní agus bradán ar fud an chósta.  Is ábhar dóchais é an muinín leanúnach sa todhchaí atá ag na fiontair dhobhshaothraithe uaillmhianacha seo a fheiceáil.  Cé gur raibh na míonna beaga seo dúshlánach do go leor gnóthaí dobharshaothraithe, is í an treocht ghinearálta ná go bhfuil éileamh dár dtáirgí bia mara ag méadú ar fud an domhain."

 

Mar SMEnna, fuair an chuid is mó de ghnóthaí dobharshaothraithe deontais le haghaidh 40% de chostas a n-infheistíochtaí, fuair fiontar amháin nach raibh ina SME 30%, fuair iontrálaí nua san earnáil 50% agus fuair infheistíocht amháin i ndeimhniú orgánach 50% chomh maith.  Tá na deontais cómhaoinithe ag Rialtas na hÉireann agus ag an Aontas Eorpach agus faoi réir ag téarmaí agus coinníollacha.

 

    ‌   ‌            

 

Nóta d'Eagarthóirí:

Ghlac an Coimisiúin Eorpach le Clár Oibríochta EMFF 2014-2020 na hÉireann i mí na Nollag 2015 agus sheol an tAire Talmhaíochta, Bia agus Mara a bhí ann ag an am é i mí Eanáir 2016.  Cuirtear maoiniú €240m ar fáil faoin gClár don earnáil bia mara (iascaigh, dobharshaothrú agus próiseáil bia mara) sa tréimhse 2014 go 2020. Is iad Rialtas na hÉireann agus an tAontas Eorpach a dhéanann cómhaoiniú ar an gClár.

 

Tá dhá scéim tacaíochta ar fáil don earnáil dobharshaothraithe d'fhonn cuidiú leo spriocanna an Phlean Straitéisigh Náisiúnta um Fhorbairt Inbhuanaithe an Dobharshaothraithe a bhaint amach.  Féachtar leis an bplean an méid a tháirgtear go hinbhuanaithe a mhéadú 45,000 tonna.  Tacaíonn an Scéim um Dhobharshaothrú Inbhuanaithe le hinfheistíocht caipitil arna déanamh ag fiontair dobharshaothraithe cheadúnaithe d'fhonn táirgiúlacht a fhorás go hinbhuanaithe agus an tionchar atá ag an dobharshaothrú ar an timpeallacht a laghdú.  Cuireann an Scéim um Thairseach Feasa an nuálaíocht, forbairt teicneolaíochta agus bainistiú galar san earnáil dobharshaothraithe chun cinn agus cuireann tacaíocht ar fáil ina leith.

 

Deontais ceadaithe - An Scéim um Dhobharshaothrú Inbhuanaithe

Tairbhí	Áit	Tionscadal	Infheistíocht Iomlán	Deontas EMFF	Ráta
Derrylea Holdings	Gaillimh	Deimhniú Orgánach ar Bhradán Feirme an Atlantaigh	€7,500	€3,750	50%
Sliogéisc Inisheane Teoranta	Dún na nGall	Acmhainneacht i ndáil le táirgeadh síolta	€28,723	€11,489	40%
Feirm Farraige Oileán Chliara Teoranta	Dún na nGall	Céim 3: Frámaí greille a shuiteáil agus Bád oibre Dobharshaothraithe a thógáil	€761,595	€228,478	30%
Glenn Hunter	Sligeach	Áis láimhseála oisrí a thógáil	€68,747	€34,373	50%
Ocean Farm Ltd	Dún na nGall	Céim 3: Uasghrádú ar theicneolaíocht feirmeoireachta bradán	€1,261,663	€504,665	40%
Skipper Shellfish Ltd	Ciarraí	Céim 2: Acmhainneacht ar fheirm oisrí a mhéadú	€25,876	€10,350	40%
Northern Bay Oyster Ltd	Dún na nGall	Acmhainneacht ar fheirm oisrí a mhéadú	€29,670	€11,868	40%
Mulroy Bay Mussels Ltd	Dún na nGall	Infheistíocht i dtrealamh nua láimhseála	€75,900	€30,360	40%
Killary Fjord Shellfish Ltd	Gaillimh	Feirm diúilicíní téada a uasghrádú go dtí córas leanúnach fadlíne	€17,120	€6,848	40%
Woodstown Bay Shellfish Ltd	Port Láirge	Céim 2: Acmhainneacht ar fheirm oisrí a mhéadú	€606,815	€242,726	40%
Oceanic Organic Oysters Ltd	Dún na nGall	Céim 2: Acmhainneacht ar fheirm oisrí a mhéadú	€183,145	€73,258	40%
Rosmoney Shellfish Ltd	Maigh Eo	Acmhainneacht ar fheirm oisrí a mhéadú	€124,980	€49,992	40%
Seastream Ltd	Maigh Eo	Córas beathaithe brainlín a cheannach	€60,000	€24,000	40%
Rodeen Fish Farms Ltd	Corcaigh	Céim 3: Córas chun saothrú diúilicíní le téada leanúnach a thabhairt isteach	€83,197	€33,278	40%
Seal Harbour Enterprises Ltd	Corcaigh	Céim 3: Trealamh diúilicíní téada a uasghrádú	€42,100	€16,840	40%
Iomlán:			€3,377,031	€1,282,277

 

CRÍOCH

 

 

Date Released: 01 July 2020