Өзбекстан Президенти Түркменстан менен парламентлераралық бирге ислесиўди кеңейтиў әҳмийетли екенин атап өтти
UZBEKISTAN, May 15 - Өзбекстан Президенти Түркменстан менен парламентлераралық бирге ислесиўди кеңейтиў әҳмийетли екенин атап өтти
Өзбекстан Республикасы Президенти Шавкат Мирзиёев 16-май күни Түркменстан Миллий Кеңеси Халық Мәсләҳәтиниң баслығы Гурбангули Бердимуҳамедов пенен телефон арқалы сөйлести.
Өзбекстан ҳәм Түркменстан арасындағы дослық, жақсы қонсышылық ҳәм стратегиялық шериклик қатнасықларын буннан былай да беккемлеўдиң әҳмийетли мәселелери көрип шығылды.
Нәтийжели парламентлераралық сөйлесиў, соның ишинде, регионаллық форматта да раўажланып атырғаны қанаатланыўшылық пенен атап өтилди.
Мәмлекетимиз басшысы Түркменстан тәрепин усы жылы 12-13-май күнлери Ашхабад қаласында халықаралық илажлар – Орайлық Азия мәмлекетлери ҳәм Россия Федерациясының биринши парламентлераралық форумы ҳәм Ҳаял-қызлар қарым-қатнасының табыслы өткерилгени менен қызғын қутлықлады.
Форум жумысын турақлы жолға қойыў, оның турақлы жумыс алып баратуғын секретариатин дүзиў усынысы қоллап-қуўатланды.
Халықаралық күн тәртиби бойынша, регионаллық бирге ислесиўди даўам еттириў ҳәм көп тәреплеме шөлкемлер шеңбериндеги нәтийжели шерикликти раўажландырыў, соның ишинде, Аўғанстанда тынышлық ҳәм қәўипсизликти тәмийинлеўге, оның экономикалық тиклениўине жәрдемлесиў мәселелери бойынша пикир алысты.
Legal Disclaimer:
EIN Presswire provides this news content "as is" without warranty of any kind. We do not accept any responsibility or liability for the accuracy, content, images, videos, licenses, completeness, legality, or reliability of the information contained in this article. If you have any complaints or copyright issues related to this article, kindly contact the author above.
