SAMOA, April 27 - Apia Samoa, Aperila  28, 2022

• lenei ripoti e tuuina atu ai, le faitauga muamua o le faitau aofai o tagata sa nonofo ma aumau i Samoa, sa aoina ma tuufaatasia i le Tusigaigoa o Tagata ma Fale sa faatinoina i le aso 18 Oketopa – 6 Novema 2021. O le faitauga muamua

o le atunuu ua faamauina ai le 200,010 tagata, 51 pasene o alii ae 49 pasene tamaitai . Faatusatusa atu I le aofaiga o le faitauga aofai e 195,979 tagata, I le Tusigaigoa sa faatinoina ia Novema 2016 ma e leai ni suiga I le faatulagaga o ituaiga tagata . O le Tusigaigoa o Tagata ma Fale e tai 5 tausaga ma faatinoina, ma o le faitauga lenei ua matauina ai le faatupulaia o le faitau aofai I le 4,031 tagata.

• lenei Tusigaigoa o Tagata ma Fale ua tuufaatasia e tusa ai ma vaevaega o itulagi faafuainumera.

• 4 Itulagi Faafuainumera (Apia Tu Taulaga, Matu I Sisifo Upolu, Manono ma Apolima, ma Isi vaega o Upolu faapea ma Savaii

• 51 Itumalo Faa-faipule  (20 i Savaii ma 31 Upolu, Manono ma Apolima

• 343 Afioaga/nuu  uma I Samoa

O le tusigaigoa muamua lenei ua faaogaina ai le metotia faakomepiuta mo faatalatalanoaga, e aoina mai ai faamaumauga faatusatusa agai I le faatalatalanoaga e faaaogaina ai le pepa ma le peni I tusigaigoa ua maea atu. O se taimi muamua foi lenei ua faatulagaina ma faavasegaina ai I vaevaega fou o itumalo faa- faipule faapea ma afioaga sa faaogaina I le faiga palota mai le Ofisa o Faiga Palota ia Aperila I le 2021.

O faamaumauga o le Tusigaigoa o Tagata ma Fale, o le a fesoasoani lea mo le nofo silafia e le mamalu ole atunuu o suiga o loo tatou feagai ai ma le faitau aofai o tagata Samoa, aemaise o aafiaga o nei suiga I agafesootai ma atinae manuia o tagatanuu, I totonu o itumalo faa- faipule faapea ma afioaga.

E faamauina le agaga faafetai tele i le paaga a le UNFPA mo le fesoasoani tau seleni mo le faatinoina le Tusigaigoa. E faamauina foi le faafetai I le paia ma le mamalu o le atunuu i le tuuina mai ai o faamaumauga manaomia ma le faamaoni.

E faamauina fo’i le agaga faafetai tele i le aufaigaluega lē tumau e 220 sa gapatia i le aoina o faamaumauga aua lenei atina’e taua a lo tatou Malo o Samoa ma e alagatatau ona faailoa aloaia I latou nei.

Faafetai

Afioga Leota Laki Lamositele

Minisita mo le Ofisa o Fuainumera Faamauina a le Malo

Legal Disclaimer:

EIN Presswire provides this news content "as is" without warranty of any kind. We do not accept any responsibility or liability for the accuracy, content, images, videos, licenses, completeness, legality, or reliability of the information contained in this article. If you have any complaints or copyright issues related to this article, kindly contact the author above.