SAMOA, April 29 - TALA LATA MAI O LE PEPESI AI TUA O LE KOVITI – 19

Ua fa’amaonia e le Matāgaluega o le Soifua Mālōlōina le pesia ai o i latou fou e to’a 597 i le siama o le Koviti – 19 mai le itula e 2:00 i le aoauli o le Aso 26 Aperila 2022 i le itula e 2:00 i le aoauli o le Aso 28 Aperila 2022.

O lea aofa’i e 597, e 596 ua a’afia e mai le mamalu lautele o le atunu’u ma le to’atasi (1) o le sa malaga mai atunu’u i fafo. Ma ua si’itia ai i le 9,519 le mamalu lautele o le atunu’u ua pesia, ‘ae to’a 73 ua a’afia mai le uafu fa’apea le malae-va’alele fa’avāomālō. O le aofa’iga atoa o e ua a’afia talu ona a’afia Samoa i le KOVITI-19, e to’a 9,592. E to’a 11 gasegase o lo’o taofia i le Falema’i i Moto’otua ma le to’atasi o lo’o i le Potu Tigāina (I.C.U.).

TAGATA UA MĀLILIU I LE KOVITI – 19

Ua fa’amaonia fo’i e le Matāgaluega o le Soifua Mālōlōina e to’atolu (3) ni maliu fou ua i ai nei ona o āuga o le fa’ama’i ma ua si’itia ai i le to’a 19 i latou ua māliliu.

O e ua māliliu;

1. O se tamā 45 tausaga le matua, o lo’o i ai se isi ona gasegase o lo’o a’afia ae ua o fa’atasi ma āuga o le Koviti – 19, e le’i faia sona tui puipui.
2. O se tinā 77 le matua o le soifua, ua mae’a ona tui puipui e lua fa’atasi ai ma le tui fa’aopoopo (booster) ma e i ai lona ma’i tumau fa’atasi ai ma isi gasegase ua o fa’atasi ma āuga o le siama o le Koviti – 19.
3. Ma se tamā 85 tausaga, e le’i faia lava sona tui puipui o le Koviti – 19 e i ai fo’i isi gasegase o lo’o a’afia ai, fa’atasi ai ma le siama o lenei fa’ama’i.

 Ia apepele pea e le Atua le aiga faanoanoa, ma ia iai Lana faamafanafanaga i loto faavauvau, a o iai i nei ituaso faigata. Talu ai ona o le amanaia ma le faaaloalogia o aiga o le ua maliu, o le a leai ai nisi faamatalaga e tuuina atu mai le Malo.

E fautuaina le mamalu o le atunu’u ina ia talia ma usitā’ia fautuaga mai le Matāgaluega o le Soifua Mālōlōina e ala i puipuiga masani, e pei o le faia o tali fofoga, tutū vāvā mai le isi tagata mo le 2 mita aemaise i nofoaga faitele, nofo lelei i le fale ma vaai se nofoaga fa’apitoa o lou maota e te fa’anofoesea ai pe afai ua a’afia i le fa’ama’i po’o ua masalomia fo’i le pesia i āuga o le Koviti – 19. O le puipuiga sili o Samoa aoao, o le faia lea o lou tui puipui o le Koviti – 19.

Aotelega o le Lipoti mo le tala lata mai o le Koviti – 19 sa tapenaina e le Matāgaluega o le Soifua Mālōlōina mai le ta tonu o le 2:00 i le aoauli o le Aso 26 Aeprila se’ia oo i le 2:00 i le aoauli o le Aso 28 Aperila 2022, ma ua au’ili’ili atue fa’apea;

Legal Disclaimer:

EIN Presswire provides this news content "as is" without warranty of any kind. We do not accept any responsibility or liability for the accuracy, content, images, videos, licenses, completeness, legality, or reliability of the information contained in this article. If you have any complaints or copyright issues related to this article, kindly contact the author above.